Il-Politika tal-Kontenut ta' Airbnb

Meta tippubblika l-kontenut fuq Airbnb tkun qed taċċetta li timxi ma' dil-politika. Fost il-kontenut hemm il-kontenut miktub, ir-ritratti, il-ħsejjes, il-vidjows u kontenut ieħor bħal:

• Kitba: L-ismijiet u d-deskrizzjonijiet tal-listings, il-paġni tal-profil, ir-reviews privati u pubbliċi, il-kummenti u l-ħsibijiet, id-diskussjonijiet taċ-Ċentru tal-Komunità u l-messaġġi mibgħuta lil Airbnb, lill-Hosts u lill-klijenti
• Stampi: Ir-ritratti u l-vidjows kif ukoll l-istampi murija fir-ritratti u l-vidjows (bħal pereżempju l-posters jew il-biċċiet tal-arti mdendlin ma' ħajt)

Għandna l-jedd inneħħu kull xorta ta' kontenut, kollu jew parti minnu, li jmur kontra dil-politika, ir-Regoli tas-Servizz tagħna, l-Istandards tal-Komunità tagħna, il-Politika tar-Reviews tagħna skont ir-Regoli tas-Servizz tagħna. F'każ ta' ksur serju jew ripetut, nistgħu nillimitaw, nissospendu jew inneħħu għal kollox il-kont ta' Airbnb ta' dak l-utent.

Il-kontenut li ġej ma jistax jittella' fuq Airbnb:

• Kontenut maħsub biss għal skopijiet ta' riklami jew kontenut kummerċjali ieħor inklużi l-logos, il-links u l-ismijiet tal-kumpaniji
• Spam, messaġġi mhux mixtieqa jew kontenut li jinqasam b'mod ripetut b'mod li jtellef lill-utenti
• Kontenut li jagħti, jaqbel ma' jew iħajjar lill-utenti jwettqu attività illegali jew li toħloq il-ħsara, kontenut li huwa sesswalment espliċitu, vjolenti, grafiku jew kontenut li jhedded jew jagħti fastidju
• Kontenut diskriminatorju (għal iktar informazzjoni aqra l-Politika ta' Nondiskriminazzjoni tagħna)
• Kontenut li bih utent jipprova jpinġi lilu nnifsu bħala persuna, kont jew entità oħrajn jew bħala rappreżentant ta' Airbnb
• Kontenut illegali jew li jikser id-drittijiet ta' xi persuna jew entità oħra, inklużi d-drittijiet tal-privatezza u l-propjetà intelletwali
• Kontenut li fih l-informazzjoni privata ta' persuna oħra, fosthom kontenut li jista' jwassal biex jingħaraf il-post fejn jinsab listing
• Kontenut li jmur kontra l-Politika tal-Kontenut Limitat tagħna

Ksur ieħor tal-politika skont it-tip ta' kontenut:

Ismijiet tal-listings

• L-ismijiet tal-listings li fihom informazzjoni li m'għandhiex x'taqsam mat-tip, l-istil jew l-esperjenza tal-listing
• L-ismijiet tal-listings li fihom simboli jew emojis

Paġni tal-listings jew tal-profili

• Listings u profili li jagħtu informazzjoni falza, li tfixkel jew qarrieqa

Iċ-Ċentru tal-Komunità

• Kontenut li m'għandux x'jaqsam mas-suġġett, li la jistaqsi mistoqsija u lanqas iwieġeb għal mistoqsija li tkun marbuta mad-diskussjoni ġenerali
• Kontenut li jagħti fastidju jew li, fuq tul ta' żmien, jattakka lill-membri tal-komunità

Reviews

• Reviews li jmorru kontra l-Politika tar-Reviews

URLs Personalizzati

• Indirizzi tal-internet li jmorru kontra l-Politika tal-URLs Personalizzati tagħna

Kontenut marbut mal-COVID-19

• Biex nevitaw it-tixrid ta' informazzjoni mhux eżatta marbuta mal-pandemija tal-COVID-19, iċċarajna xi affarijiet dwar il-Coronavirus u l-Politika tal-Kontenut ta' Airbnb.

Kif tirrapporta kontenut li jmur kontra l-politika tagħna

Jekk taħseb li xi kontenut imur kontra dil-politika, tista' tirrappurtah direttament mill-app jew billi tikkuntattjana.